ආණ්ඩුකම ව්‍යවස්ථාවට අනුව මේ වසරේදී ජනාධිපතිවරණය පැවැත්විය යුතු බවත් එම නියමිත කාල සීමාවේදීම ජනාධිපතිවරණය පැවැත්වෙන බවත් ජනාධිපතිවරයා කැබිනට් මණ්ඩලයට දැනුම් දුන් බව ප්‍රවාහන, මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතා පැවසීය. අද(23) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම් දීමේ මාධ්‍ය හමුවය එක්වෙමින් අමාත්‍යවරයා මේ බව පැවසීය.
ජනාධිපතිවරණය වෙනුවට පාර්ලිමේන්තු මැතිවරණයක් පවත්වන බව කියමින් විවිධ මාධ්‍ය හරහා රට තුළ විශාල අවුලක් ඇති කිරීමට ඇතැම් පාර්ශව උත්සාහ දරන බවද අමාත්‍යවරයා පෙන්වා දුන්නේය.
ආණ්ඩුක්‍රම ව්‍යවස්ථාවට අනුව මෙම වර්ෂයේදී පැහැදිළිවම ජනාධිපතිවරණයක් පැවැත්විය යුතු වෙනවා. පසුගිය අයවැයෙන් ඒ සඳහා බිලියන 10ක මුදලක් වෙන් කර තිබෙනවා යනුවෙන් ද අමාත්‍යවරයා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
