ඒ අනුව ගෘහස්ථ සහ ආගමික ස්ථාන සඳහා ඔක්තෝබර් මාසයේ වැඩිකළ සියයට 18ක මිල වැඩිකිරීම සම්පූර්ණයෙන් අඩු කරන බවත්, සංචාරක කර්මාන්ත ක්ෂේත්‍රයේ සියයට 12කින් වැඩි වූ විදුලි බිල සම්පූර්ණයෙන් ඉවත් කිරීමට සහ රජයේ ආයතනවල විදුලි බිල සියයට 24කින් අඩු කීරීමට බලාපොරොත්තු වන බවද කීය. අද වන විට රටේ තත්වය අපි වෙනස් කර තිබෙනවා. විදුලිය ගෑස් තිබෙනවා..අසීරු අමාරු තීන්දු තීරණ ගත් නිසා බංකෙලොථ් බාවයෙන් ඉවතට පැමිණ ලෝකයටම ආදර්ශවත් රටක් බවත් පත් වීමට හැකි වූ බවද කීය.
වැඩිදුරටත් අදහස් දක්වමින් අමාත්‍යවරයා පැවසුවේ,
මීට වසර දෙකක ට පෙර ජනතාව පාර්ලිමේන්තුවේ 225ටම කළ චෝදනාව අද අමතක වෙලා තිබෙනවා. ජනතාවට උපරිම බදු සහණ ලබා දී පොළී අනුපාත අඩු කරලා දේශීය ආර්ථිකය නගා සිටුවීමට තමයි හිටපු ජනාධිපතිවරයා බලාපොරොත්තු වුණේ. නමුත් කොවිඩ් අර්බුදයත් සමග ඒ සඳහා අවස්ථාව නැති වෙයනවා. ඒය පසුකාළීන මේ රටේ ආර්ථික අරුබුදයක් ඇති වීමට බලපෑවා. විදුලි බිල සම්බන්ධයෙන් විවිධ චෝදනා ඒල්ල වුණා.
පසුගිය සමයේ අපේක්ෂිත ප්‍රමාණයට වඩා විශාල වර්ෂාපතනයක් ලැබීම නිසා විදුලි බල මණ්ඩලයට ලාබ ලැබී තිබෙනවා. ඒම නිසා ලැබුණු සහණය වෙනුවෙන් පෙබරවාරි මාසයේ ගාස්තු සංශෝධනයක් කිරීම සම්බන්ධයෙන් මෙලෙස අවධානය යොමු කළා.
