ඒ අනුව එම ආයතන වල සේවය කරන සේවකයන්ට, ප්‍රතිලාභවලට හෝ රැකියා වලට කිසිදු බලපෑමක් ඇති නොවන බව හෙතෙම පැවසීය.
ප්‍රසම්පාදන කොමිෂන් සභාවේ මග පෙන්වීම මත, රජයේ ව්‍යවසායන් ප්‍රතිව්‍යුහගතකිරීමේ ප්‍රතිපත්තියක් සහ රජය සතු කොටස් බැහැර කිරීමේ ක්‍රියාපටිපාටිය සඳහා උචිත මාර්ගෝපදේශ සකස් කරන බවද රාජ්‍ය අමාත්‍යවරයා පැවසීය.
ඒ සඳහා අමාත්‍යමණඩල අනුමැතිය ලබාගෙන ඇත. ඒ අනුව රාජ්‍ය ව්‍යවසායන් ප්‍රතිව්‍යුහගත කිරීම වඩාත් සාධාරණව සහ අනිසි බලපෑම් වලින් තොරව සිදු කරන බව මුදල් රාජ්‍ය අමාත්‍යවරයා සඳහන් කළේය.
මෙහිදී පාරිභෝගිකයින්ට ඇති විය හැකි අනිසි බලපෑම් නැති කිරීම සඳහා නිර්දේශ ඉදිරිපත් කරනු ලැබේ.
මෙම රාජ්‍ය ව්‍යවසාය ප්‍රතව්‍යුහගත කිරිමේදී ලැබෙන මුදල් මෙරට ණය අඩු කිරීම සඳහා යෙදා ගන්නවාද නැද්ද, යන්න පිළිබඳව ප්‍රතිපත්තිමය තීරණයකට එළඹීම සඳහා මේ වන විට සාකච්ඡා පවත්වන බවද රාජ්‍ය අමාත්‍යවරයා වැඩිදුරටත් සඳහන් කළේය.
