අද (01) පාර්ලිමේන්තුවේ විශේෂ ප්‍රකාශකයක් කරමින් අමාත්‍යවරයා මේ බව පැවසීය.
පසුගිය වසරේ උසස් පෙළ විභාගය සඳහා සුදුසුකම් ලැබුවේ දරුවන් සියයට 62.3ක් බවත් මෙම වසරේ පසුගිය වසරට සාපේක්ෂව සිසුන් වැඩි ප්‍රමාණයක් සමත් වී ඇතැයිද අමාත්‍යවරයා පෙන්වා දුන්නේය.මෙම වසරේ දරුවන් 13,588ක් සියළුම විෂයන් සඳහා ඒ (A) සාමාර්ථය ලබා තිබේ.
මෙම ප්‍රතිඵල අනුව දිවයිනේ පළමු ස්ථානය ලබාගෙන තිබෙන්නේ, මහනුවර මහමායා බාලිකා විද්‍යාලයේ සිසුවියක්. දෙවැනි ස්ථානය ලබා ගෙන තියෙන්නේ යාපනය වෙම්බඩි උසස් බාලිකා විද්‍යාලයේ සිසුවියක්. තුන්වැනි ස්ථානය ලබාගෙන තියෙන්නෙ රාජකීය විද්‍යාලයේ සිසුවෙක්. 4 වෙනි ස්ථානය ලැබූ සිසුන් දෙදෙනෙකු ඉන්නවා.ෙකොළඹ රාජකීය විද්‍යාලයේ සහ ගම්පහ සිරි කුරුස බාලිකා විද්‍යාලය. හයවෙනි ස්ථාන හතරක් තියෙනවා. ඉන් දෙකක් ගාල්ල සංඝමිත්තා බාලිකා විද්‍යාලය, කුරුණෑගල මලියදේව පිරිමි විද්‍යාලය, ත්‍රිකුණාමලය ශ්‍රී ෂන්මුගම් බාලිකා විදුහල, දහ වෙනි ස්ථානය දෙකක් තියෙනවා. එනම් කොළඹ මියුසියස් විද්‍යාලය සහ මහනුවර උසස් බාලිකා විද්‍යාලය.
විභාග ප්‍රතිඵල ලබා දීම ප්‍රමාද වුණේ උසස් පෙළ උත්තර පත්‍ර පරීක්ෂාව වෘත්තීය ක්‍රියාමාර්ගයක් නිසා මාස තුනක් කල් ප්‍රමාද වූ නිසා බවද අමාත්‍යවරයා පෙන්වා දුන්නේය.
උසස්පෙළ උත්තර පත්‍ර සමීක්ෂණයෙන් පසුව තමයි සාමාන්‍ය පෙළ පෙළ උත්තර පත්‍ර පරීක්ෂණ ආරම්භ කළේ. මාස තුනක් ඇතුළත ප්‍රතිඵල ලබා දෙන්න හැකි වුණා. ඒ සියලු ගුරුවරුන්ට විභාග දෙපාර්තමේන්තුවට ස්තුතිවන්ත වෙනවා යනුවෙන්ද අමාත්‍යවරයා පැවසීය.
