අමාත්‍යවරයා මේ බව පැවසුවේ ඊයේ (25) යාපනයේදි ‘’චීනයෙන් මසුන් ආනයනය කිරීමට පියවර ගෙන ඇත්ද යන්න’’ මාධ්‍ය වේදීන් නැගු ප්‍රශ්න වලට පිළිතුරු ලබාදෙමිනි.
වැඩි දුරටත් අදහස් දැක්වු අමාත්‍යවරයා, චීනයෙන් මත්ස්‍යන් ආනයනය කිරීමට අවසර දී ඇතත් එහි අධීක්ෂණ කටයුතු මාගේ රාජ්‍ය අමාත්‍යවරයා යටතේ ධීවර සංස්ථාව හරහා ඉතා නිවැරදීව සිදුවනවා.. විශේෂයෙන් රාජ්‍ය අමාත්‍යවරයා සෘජුව වැඩකරන කෙනෙක්. ඒ තුළින් එවැනි වංචනික ක්‍රියාවලට කිසිදු ඉඩක් නොදෙන බව මා හොදින් දන්නවා. මෙරට ධීවරයන්ට නෙලාගත නොහැකි සහ ඉතා දුර්ලභව නෙලාගන්නා මසුන් ආනයනය කිරීම සදහා මා ධීවර සංස්ථාවට උපදෙස් ලබාදී ඇති අතර විශේෂයෙන් සාධාරණ මිළට ප්‍රමිතියෙන් යුක්ත මසුන් ආනයනය කිරීමට මා උපදෙස් ලබාදි ඇති නිසා මසුන් ආනයනයේදි වංචාවක්සිදු නොවන බවත් මාගේ විශ්වාසයයි..
එසේ වංචනික ක්‍රියා සිදු වී ඇත්නම් ඒ පිළිබදව නීතිය ක්‍රියාත්මක කිරීමට පියවර ගන්නා බව වැඩිදුරටත් අදහස් දක්වමින් පැවසු අමාත්‍යවරයා ඇතැම් මාධ්‍යවල වැරදි තොරතුරු පළවී තිබු බවද ඒ පිළිබදව සොයා බැලු අතර එවැනි තත්වයක් කිසිදු ආකාරයකට සිදු වී නොමැති බවද වැඩිදුරටත් පැවසීය.
