ඒ අනුව රජරට කලාපයේ ගොවි ජනතාවගේ ඔසු වගාවන්හී අස්වැන්න මිලදී ගැනීම උදෙසා අනුරාධපුර නව නගරයේ මෛත්‍රීපාල සේනානායක මාවතේ පිහිට වූ දේශීය ඖෂධ අමුද්‍රව්‍ය මිලදී ගැනීමේ මධ්‍යස්ථානය විවෘත කිරීම දේශීය වෛද්‍ය රාජ්‍ය අමාත්‍ය නීතිඥ සිසිර ජයකොඩි මැතිතුමාගේ ප්‍රධානත්වයෙන් පසුගියදා (16) සිදු විය.
මෙම වැඩපිළිවෙල ශ්‍රී ලංකා ආයුර්වේද ඖෂධ සංස්ථාව මගින් ක්‍රියාත්මක කර තිබෙන අතර එහිදී වියළි කලාපය තුළ ගොවි ජනතාව වගා කළ හෝ මේ වන විට ඒකරාශී කර ඇති ඖෂධීය අමුද්‍රව්‍යයන් වෙළඳපොලේ තරඟකාරී මිල ගණන් යටතේ මිලදී ගනිමින් ඔවුන්ගේ ආර්ථිකය ශක්තිමත් කරලමින් ඔවුන්ගේ ජීවන තත්වය නංවාලීම සිදු කරනු ලබයි.
මෙම විවෘත කිරීමේ අවස්ථාවට ශ්‍රී ලංකා ආයුර්වේද ඖෂධ සංස්ථාවේ සභාපති ආචාර්ය අනුර ඇතුලත්මුදලි මහතා ඇතුළු රාජ්‍ය නිලධාරීන්, ප්‍රදේශයේ ගොවි ජනතාව සහභාගී වී සිටියහ.
