ඌණතා ලේඛන පරිශීලනය කර ගුරු ආයතන ශාඛාව මගින් මෙම පත්විම් ලබා දෙන අතර ගුරුවරු 1300ක් ජාතික පාසල්වලට අනුයුක්ත කරනු ලබයි.
ඇමතිවරයා වැඩිදුරටත් ප්‍රකාශ කරනුයේ,
“ගුරු පත්වීම් සම්බන්ධයෙන් අභියාචන කිරීමට බොහෝ දෙනෙක් එනවා . ඒ කිසිම අභියාචනාවක් අපි සලකන්නේ නැහැ. ඌණතා තියෙන තැන් බලලා අපි ඒවා දාලා තියෙන්නේ.මොන දේශපාලනඥා ආවත් මම කිව්වා කරැණාකරලා ගිහින් වැඩ කරන්න කියලා”
එමෙන්ම නව උපාධිධාරින් 5500කින් වයස අවුරුදු 35ට අඩු උපාධිධාරින් විද්‍යාව, ගණිතය,තාක්ෂණය,සිංහල,දෙමළ,ඉංග්‍රිසි මාධ්‍ය යන විෂයන් ඉගැන්විමට ගුරැ පත්විම් ලබා දීම සඳහා බ්‍රහස්පතින්දා 2023.06.15 දින අනුමැතිය ලබා ගැනිමට කටයුතු කරනු ලබන බවයි.
තවද ජුනි මස 30 වන දා වන විට පාසල් නිල ඇදුම් නොලැබුණ කෙනෙක් සිටි නම් අධ්‍යාපන අමාත්‍යංශයේ ක්ෂණික දුරකථන ඇමතුමට දැනුම් දෙන ලෙසද, ඒ අනුව ඉතිරි නිල ඇදුම්
ප්‍රමාණයත් ලබා දිමට අපේක්ෂා කරනු ලබන බව හෙතෙම වැඩිදුරටත් පැවසීය.
