2022 වර්ෂයේ අයවැය පිළිබඳ අවසන් තත්ත්ව වාර්තාව පාර්ලිමේන්තුවේ සභාගත කිරීම සඳහා මුදල් , ආර්ථික ස්ථායීකරණ සහ ජාතික ප්‍රතිපත්ති අමාත්‍යවරයා වශයෙන් ජනාධිපති රනිල් වික්‍රමසිංහ මහතා ඉදිරිපත් කළ යෝජනාවට කැබිනට් මණ්ඩලයේ අනුමැතිය හිමි වී තිබේ.
2023 අංක 3 දරන රාජ්‍ය මූල්‍ය කළමනාකරණ පනතේ 13 වන වගන්තියේ විධිවධාන පරිදි මුදල් විෂයය භාර අමාත්‍යවරයා විසින් අයවැය පිළිබඳ අවසන් තත්ත්ව වාර්තාව අදාළ මුදල් වර්ෂය ඉක්මවා මාස පහක් ගත වීමට පෙර මහජනතාව වෙත නිකුත් කිරීමත්, ඉන් අනතුරුව එම වාර්තාව පාර්ලිමේන්තුවේ සභාගත කිරීමත් සිදු කළ යුතු වේ. ඒ අනුව, 2022 වර්ෂයේ අයවැය පිළිබඳ අවසන් තත්ත්ව වාර්තාව, මුදල් ආර්ථික ස්ථායීකරණ සහ ජාතික ප්‍රතිපත්ති අමාත්‍යංශයේ වෙබ් අඩවියේ ප්‍රකාශයට පත් කරනු ලැබ ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
