රජයේ ප්‍රවෘත්ති දෙපාර්තමේන්තුවේ අද (29) පැවති මාධ්‍ය සාකච්ඡාවකට සහභාගී වෙමින් ඒ මහතා මේ බව පැවසීය.

ඒ අනුව මෙට්‍රික්ටොන් 29743ක පොහොර තොගයෙන් මෙට්‍රික්ටොන් 14000ක් මේ වන විට බෙදා අවසන් බව පෙන්වා දුන් ඒ මහතා ගොවිජන මධ්‍යස්ථාන වෙත පැමිණ පොහොර ලබා ගන්නා ලෙස ගොවීන්ගෙන් ඒ මහතා ඉල්ලීමක් කළේය.
මෙම සාකච්ඡාවට එක්වෙමින් කොමර්ෂල් පොහොර සමාගමේ සභාපති ආචාර්ය ජගත් පෙරේරා මහතා, තේ පොල් සහ එළවළු සඳහා මිශ්‍ර පොහොර මිල අඩු කර ඇති බව පැවසීය.
ඒ අනුව U 709,U 834 වර්ගයේ කිලෝ ග්‍රෑම් 50ක පොහොර මිටිය රුපියල් 25,000කට වෙළඳපොළ මිල පවතින අතර එය රුපියල් 13,000කට ලබා දෙන බවත් තේ වගාව සඳහා භාවිත කරන T 200 සහ T 750 පොහොර මිටියක් පෙර පැවති රුපියල් 17000ක මුදලක් වුවද එය රුපියල් 9000ට ලබා දෙනෙ බවත් හෙතෙම පැවසීය.
තවද පොල් වගාව සඳහා ලබා දෙප APM සහ VPM පොහොර මිටිය රුපියල් 8000කට ලබා දෙන අතර එළවළු වගාව සඳහා ලබා දෙන පොහොර මිටිය රුපියල් 10000කට ලබා දෙන බවද ඒ මහතා වැඩිදුරටත් කීය.
මේ වන විට යූරියා පොහොර මෙට්‍රික් ටොන් 30400 ක සංචිතයක් පවතින බවත් තවත් මෙට්‍රික් ටොන් 77250ක් ලබා ගැනීමට කටයුතු සම්පාදනය කර ඇති බවත් සභාපතිවරයා පැවසීය.