විදුලි බල සහ බලශක්ති අමාත්‍යංශයේ අද (29)පැවති මාධ්‍ය හමුවකට එක්වෙමින් විදුලි බල සහ බලශක්ති අමාත්‍ය කංචන විජේසේකර මහතා මේ බව සඳහන් කළේ ය.
ඒ අනුව, ඔක්ටේන් 92 වර්ගයේ පෙට්‍රල් ලීටරයක මිල රුපියල් 60 කින් ද , ඔක්ටේන් 95 වර්ගයේ පෙට්‍රල් ලීටරයක රුපියල් 135කින් ද, ලංකා ඔටෝ ඩීසල් ලීටරයක මිල රුපියල් 80කින් ද, සුපර් ඩීසල් ලීටරයක මිල රුපියල් 45කින් ද , භූමිතෙල් ලීටරයක මිල රුපියල් 10කින් ද අඩු කිරීමට අනුමැතිය ලැබී ඇති බව අමාත්‍යවරයා පැවසීය.
ඒ අනුව ඉන්ධන වල නව මිල ලෙස, ඔක්ටේන් 92 පෙට්‍රල් ලීටරයක නව මිල 340 ක් ද , ඔක්ටේන් 95 වර්ගයේ පෙට්‍රල් ලීටරයක නව මිල 375ක් ද ,
ලංකා ඔටෝ ඩීසල් ලීටරයක මිල 325ක් ද, සුපර් ඩීසල් ලීටරයක මිල 465 ක් ද , භූමිතෙල් ලීටරයක මිල 295 ක් ද වේ.
තවද මිල සූත්‍රයට අනුව ඉන්ධන මිල සංශෝධනය කිරීමට මුදල් අමාත්‍යවරයා වශයෙන් ජනාධිපති රනිල් වික්‍රමසිංහ අනුමැතිය ලබා දෙනු ලැබ ඇති බව ද විදුලි බල සහ බලශක්ති අමාත්‍ය කංචන විජේසේකර මහතා කීය.
