ඛනිජ තෙල් සම්බන්ධයෙන් අද (21) ඉදිරිපත් කරන නීති රෙගුලාසි මගින් නව ආයෝජකයින් මෙරටට ගෙන්වා ගැනීමට බලාපොරොත්තු වන බව ඛනිජ තෙල් අමාත්‍ය කංචන විජේසේකර මහතා පාර්ලිමේන්තුවේ දී ප්‍රකාශ කළේය.
මෙතෙක් කල් අප කර තිබෙන්නේ, අපේ සම්පත් ප්‍රයෝජනයට නොගැනීම බවද හෙතෙම පෙන්වා දුන්නේය.
මන්නාරම් සහ කාවේරි ද්‍රොණිවල ස්වභාවික වායු නිධි තිබෙන බවට 2011 වසරේ සොයා ගත් බවත්, අද දවසසේ මෙම රෙගුලාසි සම්මත වීමෙන් ලෝක වෙළෙඳපළ ප්‍රබලයින්ට මෙරට ආයෝජනය කිරිමට අවස්ථාව ලැබෙන බවද හෙතෙම පෙන්වා දුන්නේය.
ඒ අනුව ඉදිරියේ දි ඛනිජ තෙල් ආයෝජනය කරන මට්ටමට ගමන් කිරීමෙන් මෙරට ආර්ථිකය ශක්තිමත් කිරීමට බලාපොරොත්තු වන බවද හෙතෙම පෙන්වා දුන්නේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
