ඒ මහතා මේ බව ප්‍රකාශ කළේ ඊයේ (01) රජයේ ප්‍රවෘත්ති දෙපාර්තමේන්තුවේ පැවති විශේෂ මාධ්‍ය සාකච්ඡාවේ දී ය.
ශ්‍රවණාබාධිත පුද්ගලයින්ට රියදුරු බලපත්‍රයක් ලබා ගැනීම පිළිබඳව ගැටළු සහගත තත්ත්වයන් තිබුණු අතරම පසුගිය කාලයේ දී ඒ සම්බන්ධව ඉල්ලීම් යොමුව තිබුණු අතර, ඊට විසඳුමක් වශයෙන් ප්‍රවාහන අමාත්‍යවරයා සහ රාජ්‍ය අමාත්‍යවරයාගේ මැදිහත්වීමෙන් හා කරන ලද සාකච්ඡාවලින් අනතුරුව පසුගිය වසරේ දී ඊට අදාළ කැබිනට් අනුමැතිය ලබාගෙන ඇත.
ඒ අනුව, රියදුරන් 75 දෙනකුට මෙම රියදුරු පුහුණු බලපත්‍රය ලබා දී එම කාර්යය ක්‍රියාත්මක වන ආකාරය පිළිබඳව අධීක්ෂණය කළ බව ද ඒ මහතා පැවසීය.
එළඹෙන මාර්තු මාසයෙන් පසු ව මෙම වැඩපිළිවෙල දිවයින පුරා ක්‍රියාත්මක කිරීමට කටයුතු කිරීමට බලාපොරොත්තු වන බව ද හෙතෙම වැඩිදුරටත් පැවසීය.
