කැනඩාවේ පැවති i-can 2022 නව නිපැයුම් නවොත්පාදන ජාත්‍යන්තර තර‍ඟයේ දී රටවල් අසූ එකක තරඟකරුවන් හා තරඟ කර එහි රන්පදක්කම ජයග්‍රහණය කළ කන්තලේ අග්බෝපුර පදිංචි චතුර මධුමාල් තරුණයා සහ ක්‍රීඩා හා යෞවන කටයුතු අමාත්‍ය රොෂාන් රණසිංහ මහතා අතර හමුවක් පසුගිය දා ක්‍රීඩා හා යෞවන කටයුතු අමාත්‍යාංශයේ දී සිදුවිය.
ඔහුට ජයග්‍රහණය ගෙන ආ ඔහු විසින් නිපදවන ලද “walking charger” උපකරණය පිළිබඳවත් නවෝත්පාදනය පිළිබඳව අදහස් හුවමාරු කරගත් අමාත්‍යවරයා ඔහු සමග සුහද සාකච්ඡාවක නිරත විය.
අමාත්‍යවරයා විසින් ඔහු ඉදිරිපත් කරන ලද අදහස් සළකා බැලීමෙන් අනතුරුව ඔහුව ජාතික තරුණ සේවා සභාව හා සම්බන්ධ කරමින් අවශ්‍ය ඉදිරි වැඩකටයුතු සළසා දෙන මෙන් ප්‍රකාශ කරන ලදී.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
