2022.07.13 දින බත්තරමුල්ල , පාර්ලිමේන්තු වටරවුම සහ ඒ අවට ප්‍රදේශයන්හි ප්‍රචන්ඩකාරී ලෙස හැසිරුණු පිරිසක් පැවැත් වූ විරෝධතාවයක්පා ලනය කිරීමට යාමේදී එම පිරිස ආරක්ෂක හමුදාව සමග ගැටුමක් ඇති කර ගැනීමට උත්සාහ දරා ඇති බවත් එය පාලනය කිරීමට ඉදිරියට ගිය හමුදා සෙබළුන් දෙදෙනෙකුට යකඩ මුගුරු සහ පොලු උපයෝගී කරගනිමින් ඉතා අමානුෂික අන්දමින් සිහිසුන් වනතුරු පහර දි ඇති බවත් යුද හමුදා මාධ්‍ය ප්‍රකාශක බ්‍රිගේඩියර් නිලන්ත ප්‍රේමරත්න මහතා පැවසීය.
එම පිරිස විසින් එම හමුදා සෙබළුන් සතු ටී 56 ගිනි අවි දෙක සහ පතොරොම් පැහැරගෙන ඇති බවත් එම ස්වයංක්‍රීය ගිනි අවි භාවිතා කරමින් ප්‍රචණ්ඩත්වය ඇති කිරීමට හැකි බැවින් මහජනතාවට ඒ පිළිබඳ සැළකිලිමත්ව සිටින්නයි ද ඉල්ලා සිටියේය.
එම සෙබළුන්ගේ හිසට සහ මුහුණට දැඩි ප්‍රහාර එල්ල වී ඇති බැවින් මේ වන විට අසාධ්‍ය තත්වයේ පසුවන එම සෙබළුන් දෙදෙනා රෝහල් ගත කළ බවද බ්‍රිගේඩියර්වරයා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
