රඹූක්කන සිදුවිම පිළිබඳව මානව හිමිකම් කොමිෂන් සභාව විසින් ස්වාධීන පරීක්ෂණයක් සිදු කරන ලෙස ඉල්ලීමක් කර තිබෙන බව මහජන ආරක්ෂක අමාත්‍ය ප්‍රසන්න රණතුංග මහතා අද (20) පාර්ලිමේන්තුවේ දී පැවසීය.
ඊයේ (19) රඹුක්කන ඇති වූ සිදුවිම සම්බන්ධයෙන් සිදු කරන පරීක්ෂණ පිළිබඳව කළ විමසීමකට ප්‍රතිචාර දක්වමින් අමාත්‍යවරයා මේ බව පැවසීය.
මේ වන විට නිලධාරීන් තුන් දෙනෙක්ගෙන් සමන්විතව වෙනම පරීක්ෂණයක් සිදු කරන බවත් අවිස්සාවේල්ලෙන් වෙනම පොලිස් කණ්ඩායමක් පරීක්ෂණයක් සිදු කරන බවත් කී අමාත්‍යවරයා, මානව හිමිකම් කොමිෂම ස්වාධීන පරික්ෂණයක් සිදුකර වාර්තාවක් ලබා දෙන ලෙස ඉල්ලීමක් කර තිබෙන බව කීය.
ඒ පිළිබඳව පිළිතුරක් ලැබුණු පසු සභාව දැනුවත් කරන බවද අමාත්‍යවරයා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
