මාධ්‍යවේදී චමුදිත සමරවික්‍රම මහතාගේ නිවසට එල්ල වූ ප්‍රහාරය පිළිබඳව සොයාබැලීමට මේ වනවිට පොලිස් කණ්ඩායම් කීපයක් විසින් විමර්ශන සිදු කරන බව පොලිස් මාධ්‍ය ප්‍රකාශක, ජ්‍යේෂ්ඨ පොලිස් අධිකාරි නිහාල් තල්දූව මහතා පවසයි.
පිළියන්දල පොලිස් වසමේ පිහිටි මෙම නිවසට අද අළුයම යම් නාඳුනන පිරිසක් විසින් ගල් ප්‍රහාරයක් සමඟ යම් අපද්‍රව්‍යයක් එල්ල කර ඇතැයි දැනට අනාවරණය වී තිබෙන බව පොලිස් මාධ්‍ය ප්‍රකාශකවරයා පැවසීය.
මෙම සිදුවීම සම්බන්ධව තොරතුරු ලැබුණු අවස්ථාවේ සිට විමර්ශන ආරම්භ කළ බවත් පොලිස්පතිවරයාගේ සෘජු උපදෙස් අනුව පොලිස් කණ්ඩායම් කීපයක් ක්‍රියාත්මක බවත් නොකඩවා විමර්ශන කටයුතු සිදු කරන බවත් පොලිස් මාධ්‍ය ප්‍රකාශකවරයා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
