භෞමික රූපවාහිනී විකාශනය ප්‍රතිසම (Analog) ක්‍රමවේදයේ සිට අංකිත (Digital) ක්‍රමවේදය දක්වා ගෝලීය වශයෙන් ගමන් කරමින් සිටින අතර ප්‍රතිසම (Analog) විකාශන ක්‍රමය වේගයෙන් අඩුවෙමින් පවතී.
වර්තමානයේ පවත්නා තාක්ෂණය ක්‍රමයෙන් යල් පිනූ තත්ත්වයට පත්ව විකාශන පද්ධතිය නඩත්තු කිරීම හා ඉහළ යනු ලබන අතිරේක රූපවාහිනී නාලිකා අවශ්‍යතාව සපුරාලීමේ අභියෝගයට මෙම ඩිජිටල්කරණ ව්‍යාපෘතිය මඟින් සාර්ථකව මුහුණ දීමට හැකි වනු ඇත.
තවද ජපාන ණය ආධාර යටතේ ක්‍රියාත්මක මෙම ව්‍යාපෘතිය මඟින් රජය, විකාශකයින් සහ ප්‍රේක්ෂකයින් යන සියලු පාර්ශවයන් සඳහා ප්‍රතිලාභ ලැබෙනු ඇත.
