ඉදිරි අයවැය යෝජනා ඉදිරිපත් කිරීමට ප්‍රථම මහනුවර දළඳා සමිඳු වැදපුදා ගනිමින් ආශිර්වාද ලබගැනීමෙන් අනතුරුව මුදල් අමාත්‍ය බැසිල් රාජපක්ෂ මහතා, මල්වතු අස්ගිරි උභය විහාරීය මහා සංඝයාවහන්සේලා බැහැ දැකීමට (30) කටයුතු කළේය.
ඒ අනුව, මල්වතු පාර්ශවයේ අතිපූජ්‍ය තිබ්බටුවේ ශ්‍රී සිද්ධාර්ත සුමංගලාභිධාන මහානායක ස්වාමීන් වහන්සේ, අස්ගිරිපාර්ශවයේ අතිපුජ්‍ය වරකාගොඩ ධම්මසිද්ධි ශ්‍රී පඥ්ඥානන්ද ඤාණරතනාභිධාන මහනායක ස්වාමීන්වහන්සේ, පූජ්‍ය නියන්ගොඩ ධර්මකීර්ති ශ්‍රී සංඝරක්ඛිත විජිතසිරි අභිධාන අනුනායක ස්වාමීන්වහන්සේ, පූජ්‍ය වේඩරුවේ ශ්‍රී රතනාපාල උපාලි අභිධාන අනුනායක ස්වාමීන්වහන්සේ, පූජ්‍ය ආණමඩුවේ ධම්මදස්සයාභිධාන අනුනායක ස්වාමීන්වහන්සේ යන ස්වාමීන්වහන්සේලා බැහැ දැකීම සිදු වු අතර, පවතින වසංගත තත්ත්වය හමුවේ ජනතාවට සහණ සළසමින් රට සංවර්ධනය කිරීමේ යෝජනා පිළිබඳව මෙන්ම රට මුහුණ දී ඇති අභියෝග හමුවේ ඉදිරි කටයුතු සිදුකිරීම සම්බන්ධයෙන් මෙහිදී මුදල් අමාත්‍යවරයා හා ස්වාමීන්වහන්සේලා අතර කරුණු සාකච්ඡා විය.
මෙම අවස්ථාව සදහා දකුණු පළාත් ආණ්ඩුකාරවර විලී ගමගේ මහතා මධ්‍යම පලාත් ආන්ඩුකාරවර ලලිත් ගමගේ මහතා ඇතුළු පිරිසක් ද එක්විය.
