ඉන්දියානු ධීවර ටෝලර් යාත්‍රා මන්නාරම්, මුලතිව් හා යාපනය මුහුදේ ධීවර කටයුතුවල යෙදීම සම්බන්ධයෙන් සහ අද දිනයේ මන්නාරම් දිස්ත්‍රික්කයේ ධීවරයින් මේ සම්බන්ධයෙන් විරෝධතා පෙළපාලියක් යාම සම්බන්ධයෙන් පාර්ලිමේන්තු මන්ත්‍රි චාර්ල්ස් නිර්මලනාදන් මහතා නගන ලද පැනයකට පිළිතුරු දෙමින් අමාත්‍යවරයා මේ බව පැවසීය.
නාවික හමුදාව මේ පිළිබඳව දැනුවත් කර ඇති බවත් පසුගිය දින කිහිපයේ එම්.ටී ඩයමන්ඩ් නෞකාවේ ඇති වූ ගිනි ගැනීම මැඩපැවැත්වීමේ සුවිශේෂී මෙහෙයුම වෙනුවෙන් විශාල පිරිසක් ඒ සඳහා යොමු කිරීමට සිදු වූ බවත් තවද කෝවිඩ් -19 වසංගතය හේතුවෙන් මෙසේ අත්අඩංගුවට ගන්නා ධීවරයින් රඳවා ගැනීමේ ගැටළුවක් පැන නැගුණු බවත් පැවසූ අමාත්‍යවරයා එහෙත් ඉදිරියේදී මේ පිළිබඳ ක්‍රියාමාර්ග ගන්නා බව පැවසීය.
