යාපනය කච්චතිවු ඓතිහාසික ශාන්ත අන්තෝනි දේවස්ථානයේ වාර්ෂික මංගල්‍ය අද(07) උදෑසන පැවැත්වෙන අතර ඒ සඳහා ශ්‍රී ලාංකික බැතිමතුන් 7000 ක් පමණත්, ඉන්දියානු බැතිමතුන් 3000 ක් පමණත් සහභාගි වනු ඇතැයි අපේක්ෂා කරන බව නාවික හමුදා මාධ්‍ය ප්‍රකාශක ඉසුරු සූරියබණ්ඩාර මහතා පවසයි.
මෙම බැතිමතුන් සඳහා අවශ්‍ය තාවකාලික නවාතැන්, පානීය ජලය, සනීපාරක්ෂක සේවා, වෛද්‍ය පහසුකම් සහ විදුලි බලය සැපයීම,
යාත්‍රා නවතා තැබීමට අවශ්‍ය තාවකාලික ජැටි ඉදිකිරීම ඇතුළු පහසුකම් නාවික හමුදාව විසින් මේ වනවිට සූදානම් කර ඇති බව ද ඒ මහතා වැඩිදුරටත් පැවසීය. එමෙන්ම උත්සව කාලය තුළ විශේෂ ජීවිතාරක්ෂක කණ්ඩායම් ද මෙම ප්‍රදේශයට අනුයුක්ත කර තිබෙන බව මාධ්‍ය ප්‍රකාශකවරයා පෙන්වා දුන්නේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
