පවතින වැසි සහිත කාලගුණ තත්ත්වය හේතුවෙන් ජලාශ කීපයක වාන් දොරටු විවෘත කොට ඇතැයි ආපදා කළමනාකරණ මධ්‍යස්ථානයේ නියෝජ්‍ය අධ්‍යක්ෂ ප්‍රදීප් කොඩිප්පිලි මහතා පවසයි.
තබ්බෝව ජලාශය, රාජාංගනය ජලාශය සහ දැදුරු ඔය ජලාශය යන ජලාශවල වාන් දොරටු විවෘත කර තිබේ. කළුතර දිස්ත්‍රික්කයේ කුකුළේ ගඟ ජලාශයේ වාන් දොරටු විවෘත කර තිබේ.
මෙම ජලාශවල පහළ වාරි කලාපවල සිටින ජනතාවට දැඩි අවධානයෙන් පසුවන ලෙස ආපදා කළමනාකරණ මධ්‍යස්ථානය ඉල්ලා සිටියි. මේ වන විට දිවයිනේ ගිගුරුම් සහිත වැසි තත්ත්වයක් පවතින බව කාලගුණවිද්‍යා දෙපාර්තමේන්තුව නිවේදනය කර ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
