තෙල්දෙණිය සහ පල්ලේකැලේ පොලිස් වසම් සඳහා තවදුරටත් නැවත දැනුම් දෙන තුරු පොලිස් ඇදිරිනීතිය පනවා ඇතැයි පොලිස් මාධ්‍ය ඒකකය පවසයි.
පසුගිය 04 දින රාත්‍රී තෙල්දෙණිය පොලිස් වසමේ ඇති වූ කලහකාරී සිද්ධියට අදාළව අත් අඩංගුවට ගෙන සිටි සැකකරුවන් 24 දෙනෙකු තේල්දෙණිය මහේස්ත්‍රාත් අධිකරණයට ඉදිරිපත් කිරීමෙන් අනතුරුව මාර්තු මස 19
දක්වා රක්ෂිත බන්ධනාගාර ගත කර ඇති බවද පොලිස් මාධ්‍ය ප්‍රකාශක කාර්යාලය නිවේදනය කරයි.
මේ අතර සිදුවීම විමර්ශනය කිරීම සඳහා පොලිස්පතිවරයාගේ නියමයෙන් දිගන ප්‍රදේශයට අපරාධ පරීක්ෂණ දෙපාර්තමේන්තුවේ නිලධාරී කණ්ඩායමක් ද පිටත් කර තිබේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
