අද (12) පස්වරු 4.00ට පමණ දළදා මාළිගාව වෙත පැමිණි මෝදි අගමැතිවරයා ජනාධිපති මෛත්‍රීපාල සිරිසේන මහතා ද සමඟ මාළිගාව වෙත ගමන් ගත්තේ දැඩි වර්ෂාව මධ්‍යයේය. මාළිගාව දොරටුව අසලදී දියවඩන නිලමේ ප්‍ර‍දීප් නිලංග දෑල මහතා විසින් මෝදි මහතා සහ ජනාධිපති මෛත්‍රීපාල සිරිසේන මහතා පිළිගෙන එහි උඩු මහළ වෙත කැඳවාගෙන යන ලදී.
දළදා වහන්සේ තැම්පත් කොට තිබූ ස්ථානය වෙත පැමිණි නායකයින් දෙපොළට දියවඩන නිලමේවරයා සමන්මල් වට්ටි දෙකක් පිළිගැන්වීය. අනතුරුව ඔවුන් දෙපොළ තම දළදා සමිඳුන් වැඳපුදා ගත්තහ.
දළඳා වහනසේ වැඳපුදා ගැනීමෙන් අනතුරුව ඉන්දීය අග්‍රාමාත්‍යවරයා අද යළි ඉන්දියාව බලා පිටත්ව යෑමට නියමිතය.
