ඒ මහතා මේ බව පැවසුවේ කොළඹ බණ්ඩාරනායක ජාත්‍යන්තර අනුස්මරණ සම්මන්ත්‍ර ශාලාවේදී අද (12) ආරම්භ වූ එක්සත් ජාතීන්ගේ වෙසක් දින උළෙලේ සහ ලෝක බොදු සමුළුවේ සමාරම්භක උත්සවයේ ප්‍ර‍ධාන දේශනය පවත්වමිනි.
ඉන්දියාව විසින් ශ්‍රී ලංකාවේ බලශක්ති, ප්‍රවාහන, කර්මාන්ත, අධ්‍යාපන හා සෞඛ්‍ය අංශවල සිදුකිරීමට යන ආයෝජන මගින් ඇමරිකානු ඩොලර් බිලියන 2.6ක මුදලක් ලබාදීමට ද බලාපොරොත්තු වන බව ඉන්දීය අග්‍රාමාත්‍යවරයා පැවසීය.
මේ හැර ලබන අගෝස්තු මාසයේ සිට ඉන්දීය ගුවන් සේවය මගින් කොළඹ සහ බරණැස අතර සෘජු ගුවන් ගමන් ඇරඹීමට කටයුතු යොදාගෙන යන බවද ඉන්දීය අගමැතිවරයා තවදුරටත් කීය.
ඉන්දියාවේ අශෝක අධිරාජ්‍යයා තම දියණිය සහ පුත්‍ර‍යා මගින් බුදුදහම ලබාදීමට කටයුතු කළ ආකාරය සිහිපත් කළ මෝදි මහතා පසුකාලයේදී අනගාරික ධර්මපාලතුමා ඉන්දියාවේ බුදුදහම පැතිරවීමට කටයුතු කිරීම එහි දෙවන අදියර වශයෙන් සැලකිය හැකි බවද කීය.
