Tissomed Technologies නම් ආයතනයේ හිමිකරු වන කුලේන්ද්‍ර රාජා මහතා දේශීයව නිෂ්පාදනය කරන ලද දන්ත ශල්‍ය උපකරණය සහ දන්ත පුටු සෞඛ්‍ය අමාත්‍යවරයාගේ නිරීක්ෂණයට ලක් වූයේ යාපනය තෙලිප්පලෙයි පිළිකා රෝහලේ දීය.
මෙම දන්ත පුටුව නිෂ්පාදනය කිරීම සඳහා වැය කර ඇති මුදල රුපියල් ලක්ෂ 5.5 කි. සෞඛ්‍ය අමාත්‍යවරයා සඳහන් කරන්නේ යුරෝපයෙන් ආනයනය කරන දන්ත පුටුවට සමාන අයුරින් මෙම දන්ත පුටුව නිෂ්පාදනය කර ඇති බවයි.
විදේශීය රටකින් එක් දන්ත පුටුවක් ආනයනය කිරීම සදහා ලක්ෂ 25 කට අධික මුදලක් වැයවන අතර, දේශිය වශයෙන් මෙම දන්ත පුටු මිල දී ගැනීමේ දී එම මුදලට දන්ත පුටු 05 ක් මිල දී ගත හැකි බව සෞඛ්‍ය අමාත්‍යවරයා පෙන්වා දෙයි.
මෙම කර්මාන්තය ගොඩනැගිය යුතු බවත්, දේශීය කර්මාන්තකරුවන් නගා සිටුවීම සඳහා උපකාර කළ යුතු බවත්, සෞඛ්‍ය අමාත්‍යවරයා වැඩිදුරටත් අවධාරණය කර සිටි.
