පිලිපීන මුදල් අමාත්‍ය කාලෝස් ඩොමින්ගස් (Carlos Dominguez) සහ මුදල් අමාත්‍ය රවී කරුණානායක මහතා අතර හමුවක් පසුගිය දා පැවැත්විණි. ජපානයේ යොකෝහමා නුවර පැවැති ආසියානු සංවර්ධන බැංකුවේ 50 වැනි වාර්ෂික සමුළුව අතරතුර මෙම හමුව සිදු විය.
මෙහි දී පිලිපීනය සහ ශ්‍රී ලංකාව අතර පවතින දිගු කාලීන මිතුදම තව දුරටත් ශක්තිමත් කරගනිමින් සහයෝගයෙන් කටයුතු කළ යුතු ආකාරය මෙහි දී සාකච්ඡා කළේ ය.
කලාපීය වශයෙන් එක්ව කටයුතු කිරීමේ වැදගත්ම මෙහි දී අවධාරණය කෙරුණු අතර,තිරසාර සංවර්ධන ගමන සඳහා හැකි උපරිමයෙන් සහය ලබා දීමට සූදානම් බව ද පිලිපීන මුදල් අමාත්‍යවරයා පැවැසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
