ජාත්‍යන්තර ඇදුම රෝගය දිනයට (මැයි 02) සමගාමීව, ඇදුම රෝගය පිළිබඳව ජනතාව දැනුවත් කිරීමේ අරමුණින් පැවැත්වෙන ඇදුම රෝගයට එරෙහි පාගමන මැයි මස 05 දින ගාල්ල නගරයේ දී පැවැත්වීමට නියමිත බව ගාල්ල, කරාපිටිය ශික්ෂණ රෝහලේ ස්වශන රෝග පිළිබඳ විශේෂඥ වෛද්‍ය එ. මුහුන්දන් මහතා පවසයි.
ඊයේ (02) රජයේ ප්‍රවෘත්ති දෙපාර්තමේන්තුවේ පැවැති මාධ්‍ය හමුව අමතමින් වෛද්‍ය මුහුන්දන් මහතා මේ බව පැවසී ය.
ඇදුම රෝගය පිළිබඳව ජනතාව දැනුවත් කිරීම වෙනුවෙන් සතියක් පැවැත්වීමට නියමිත බවද ඇදුම රෝග පරික්ෂාව සම්බන්ධයෙන් නොමිලේ සායන පැවැත්වීමට නියමිත බවද පැවසී ය.
ශ්‍රී ලංකාවේ මේ වනවිට මිලියන දෙකක් පමණ ඇදුම රෝගීන් සිටින බව කී වෛද්‍ය මුහුන්දන් මහතා, කුඩා දරුවන්ට විශේෂයෙන් බලපාන රෝගයක් බවද පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
