එසේම එම නිවාස හිමියන්ට ගෘහ භාණ්ඩ මිලදී ගැනීම සඳහා රුපියල් ලක්ෂ දෙක හමාරක් ද භාණ්ඩ ප‍්‍රවාහනය සඳහා රුපියල් දසදහසක මුදලක් ද හිමි වනු ඇත. පූර්ණ වන්දි ලබාදෙන තෙක් හෝ ස්ථිර නිවාසයක් ලබා දෙන තෙක් අවදානම් කලාපයෙන් ඉවත් වන පවුල් වෙනුවෙන් මාසික දීමනාවක් ලෙස රුපියල් පනස්දහසක මුදලක් හා භාණ්ඩ ප‍්‍රවාහනය ස`දහා රුපියල් දසදහසක මුදලක් ලබා දීමට ද මෙහිදී තීරණය විය.
මෙම අය වෙනුවෙන් මාස තුනක් ඇතුළත නිවසක් හෝ තක්සේරු වන්දිය ලබාදීම ජනාධිපතිතුමාගේ සහ අගමැතිතුමාගේ උපදෙස් පරිදි අදාළ අමාත්‍යාංශ එකඟත්වය පලකෙරිණි. නිවාස ලබා ගැනීමට අකමැත්තක් දක්වන පවුල් සිටින බව නිරීක්ෂණය වූ බැවින් ඒ පවුල් සඳහා තක්සේරු වටිනාකම මත සාධාරණ වන්දියක් ගෙවීමට ජනාධිපතිතුමා අදාළ නිලධාරීන්ට උපදෙස් දුන්නේ ය.
වන්දි ලබා ගන්නා පුද්ගලයින් වෙනුවෙන් ද ප‍්‍රවාහන හා ගෘහ උපකරණ වෙනුවෙන් ලබා දීමට යෝජිත දීමනා හිමිවනු ඇත. පූර්ණ හානියට පත් නිවාස 60ක්ද අර්ධ හානියට පත් නිවාස 22ක්ද අවදානම් කලාපයේ පිහිටා ඇති යැයි, දැනට නිගමනය කර ඇති නිවාස 211ක් වෙනුවෙන් ද මෙම වැඩපිළිවෙළ කඩිනමින් අනුගත කරනු ඇත.
කුණු කන්ද නායයෑමෙන් හානියට පත් දහම්පුර හා පන්සල්හේන ප්රදේශවල නිවාස හිමියන්ට නිවාස සංවර්ධන අධිකාරියෙන් ලබා දී තිබූ නිවාස ණය සම්පූර්ණයෙන්ම අහෝසි කිරීමට නිවාස සංවර්ධන අධිකාරිය තීරණය කර ඇත. ඒ අනුව එම ප්රදේශවල පදිංචිකරුවන් පමණක් නොව,අවදානම් කලාපයේ පදිංචිකරුවන් නිවාස සංවර්ධන අධිකාරියෙන් නිවාස ණය ලබා ගෙන ඇත්නම් එම නිවාස ණය ද අහෝසි වනු ඇත.
මින් ඉදිරියට මෙවැනි ව්‍යසනයන් සිදුවීම වැළැක්වීම සඳහා ඝණ අපද්‍රව්‍ය අපහරණය කිරීමේ ජාතික ප‍්‍රතිපත්තියක් සකස් කිරීමේ අවශ්‍යතාවය අගමැතිතුමා විසින් පෙන්වා දෙන ලදී. ඒ අනුව ජනාධිපතිතුමාගේ උපදෙස් පරිදි සෑම සතියකට වරක්, අගමැතිතුමා ඇතුඵ අදාළ අමාත්‍යාංශවල අමාත්‍යවරුන් සහ නිලධාරීන් එක්ව සාකච්ඡා කර කඩිනම් වැඩ පිළිවෙලක් සකස් කිරීමට තීරණය විය. මෙම සෑම රැස්වීමක්ම ජනාධිපතිතුමාගේ ප‍්‍රධානත්වයෙන් පැවැත්වේ.
ආපදාවට පත්වන නිවාස හිමියන් වෙනුවෙන් නිවාස සංවර්ධන අධිකාරිය ලබාදෙන නිවාස වලට වැය කරන සම්පූර්ණ මුදල කොළඹ නගර සභාව හා මහාභාණ්ඩාගාරය එක්ව අදාළඅමාත්‍යාංශයට ලබා දීමට අගමැතිතුමා විසින් උපදෙස් දෙන ලදී.
පීඩාවට පත් ජනතාවට ලබා දෙන සහන පිළිබඳ විකෘති මත පළවන බැවින් සත්‍ය ජනතාවට නිවැරදිව අවබෝධ කරවීම සඳහා නිවැරදි මාධ්‍ය මෙහෙවරක අවශ්‍යතාවය පැනනැගුන හෙයින් මේ සඳහා විධිමත් වැඩ පිළිවෙලක් සකස් කිරීමට ජනාධිපතිතුමා විසින් අදාළ නිලධාරීන්ට උපදෙස් දෙන ලදී.
Pub/Dv
