මෙම ආපදා තත්වය ඇති වූ අවස්ථාවේ සිට යුද්ධ හමුදාධිපතිවරයා ඒ පිළිබඳව සිය විශේෂ අවදානය යොමු කරමින් එම සහන කටයුතු සඳහා දායක වන සහෝදර හමුදාවන්, පොලිස් සහ විශේෂ කාර්ය බලකායේ භට පිරිස් මෙන්ම ආපදා කළමනාකරණ මධ්‍යස්ථාන නිලධාරීන් සමඟ සම්බන්ධ වී එහි වූ හදිසි අවශ්‍යතාවයන් සොයා බලමින් කටයුතු සම්පාදනය කරනු ලැබීය.

වෙහෙස, විඩාව නොබලා ගලවා ගැනීමේ සහ සහන සැලසීමේ කටයුතුවල නිරත සෙබලුන් හට මේ වන විට මළසිරුරු 30 ක් සොයාගැනීමට හැකි වී ඇත. භට පිරිස්හි කැපවීම සහ ධෛර්ය යුද්ධ හමුදාධිපතිවරයා  ඇගයීමට ලක් කළ අතර, සහන භට පිරිස් විසින් ඉදිරියට කරගෙන යනු ලබන සැලසුම් පිළිබඳව මෙහිදි යුද්ධ හමුදාධිපතිවරයා දැනුවත් කිරීම ද සිදු කළහ.

ප්‍රධාන ක්ෂේත්‍ර ඉංජිනේරු මේජර් ජෙනරාල් ධනංජිත් කරුණාරත්න, 14 වන සේනාංකයේ සේනාංකාධිපති මේජර් ජෙනරාල් රැල්ෆ් නුගේරා, ඉංජිනේරු බලසේනාවේ බලසේනාධිපති බ්‍රිගේඩියර් අමිත් සෙනෙවිරත්න යන මහත්වරු මෙම අවස්ථාව සඳහා එක්ව සිටියහ.

source- SL Army