එහිදී තෙමහල් හෙද නිල නේවාසිකාගාරය විවෘත කිරිම, හෘද රෝග ඒකකය විවෘත කිරීම, දන්ත ශල්‍ය ඒකකය විවෘත කිරිම, ගෙවන වාට්ටුව විවෘත කිරීම, සූතිකාගාරය හා ශල්‍යාගාරය විවෘත කිරීම, නව ජනනි දැඩිසත්කාර ඒකක විවෘත කිරීමට නියමිතය.
අම්පාර මහ රෝහල ඊ-හෙල්ත් සේවාවට ඇතුලත් කිරීම ද මෙහිදී සෞඛ්‍ය අමාත්‍යවරයා අතින් සිදුවන අතර, අම්පාර දිස්ත්‍රික්කයේ සුව විශිෂ්ටයින්ට සම්මාන පිරිනැමීමේ උළෙලක් ද පැවැත්වේ.
අම්පාර මහ රෝහලේ මෙම සංවර්ධන ව්‍යාපෘති සඳහා වැය කර ඇති මුදල රුපියල් මිලියන 500 ඉක්මවන බව එහි අධ්‍යක්ෂ ලංකා ජයසිංහ මහතා ප්‍රකාශ කරයි.
