ඒ අනුව ලංකා ධීවර සංස්ථාව විසින් නව අලෙවි සැල් 20ක් අලුතෙන් ස්ථාපිත කිරීමට පියවර ගෙන තිබේ. ඒ යටතේ මත්ස්‍ය අලෙවිසැල් 10ක් පසුගිය මාසයේ විවෘත කරන ලද අතර, තවත් 10ක් අප්‍රේල් මස සිංහල අලුත් අවුරුදු දිනය වන විට විවෘත කිරිමට කටයුතු යොදා ඇත.
පසුගිය කාලයේ පාඩු ලබමින් වසා දැමීමේ තත්ත්වයට පත් ව තිබු ලංකා ධීවර සංස්ථාව රාජ්‍ය ආයතනයක් වශයෙන් මේ වනවිට යළිත් ස්ථාවර වෙමින් තිබේ. එයට ප්‍රධාන හේතුව මෙම සංස්ථාවේ නව කළමණාකරණය විසින් ක්‍රියාත්මක කර තිබෙන වැඩ පිළිවෙලයි.
ඒ යටතේ මෙතෙක් අතරමැදියන්ගෙන් මාළු මිල දී ගැනීම වෙනුවට ලංකා ධීවර සංස්ථාවේ ලොරි රථ මුහුදු වෙරළටම ගොස් ධීවරයින්ගෙන් මාළු මිල දී ගැනීමේ වැඩ පිළිවෙලක් ආරම්භ කර ඇත. ඒ අනුව ධීවර සංස්ථා අලෙවි සැල්වලට අලුත්ම මාළු සැපයීමට ඔවුන්ට හැකි වී තිබේ.
ලංකා ධීවර සංස්ථාව නව වැඩ පිළිවෙල යටතේ මෙම වසර තුළ රුපියල් මිලියන 70ක ලාභයක් ඉපයීමට අපේක්ෂිතය
