කොස්ගම සාලාව යුද හමුදා කඳවුරේ වෙඩි උණ්ඩ ගබඩාව පිපිරී යාමෙන් සුළු හානියට පත් නිවාස 825ක් පසුගිය 8 වැනි දා වන විට සම්පූර්ණයෙන් පිළිසකර කර හිමිකරුවන් වෙත භාර දුන් බව හමුදා මාධ්‍ය ප්‍රකාශක යුද හමුදා මාධ්‍ය අධ්‍යක්ෂ බ්‍රිගේඩියර් ජයනාත් ජයවීර මහතා පවසයි.
තවත් නිවාස 42ක වැඩ කටයුතු නිම කරමින් තිබෙන බවත් මීට අමතරව ජනජීවිතය යථා තත්ත්වයට පත් කිරීමට සිදු කරන සුබ සාධක සහනසේවා මෙන් ම පොදු පහසුකම් යථා තත්ත්වයට ගෙන ඒමේ කටයුතු ද ඉතා විධිමත් ලෙස සිදු කෙරෙන බව ඔහු වැඩිදුරටත් පෙන්වා දුන්නේය.
කොස්ගම සාලාව යුධ හමුදා කදවුරේ ගිය මාසයේ 5වැනි දා හදිසියේ ම මෙම අවි ගබඩාව පුපුරා ගියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
