පොදු ව්‍යාපාර පිළිබඳ කාරක සභාව (කෝප් කමිටුව ) සිදු කරන නිරීක්ෂණ වාර්තා ඉදිරිපත් කරන තෙක් මහබැංකු අධිපතිවරයා ලෙස නැවත පත්වීමක් අපේක්ෂා නොකරන බව අර්ජුන් මහේන්ද්‍රන් මහතා මුදල් මණ්ඩලය වෙත දන්වා ඇතැයි ශ්‍රී ලංකා මහබැංකුව නිවේදනය කරයි.
නව රජය බලයට පත් වූ පසු එවකට මහබැංකු අධිපතිව සිටි අජිත් නිවාඩ් කබ්රාල් මහතාගේ ඉතිරි සේවා කාලය ආවරණය කිරීම සඳහා අර්ජුන් මහේන්ද්‍රන් මහතා පත්කරනු ලැබීය. ඒ අනුව අර්ජුන් මහේන්ද්‍රන් මහතා 2015 ජනවාරි 23 දින රාජකරී භාරගැනීම සිදු කළේ ය.
අර්ජුන් මහේන්ද්‍රන් මහතා වසර 30ක් පුරා ජාතික හා ජාත්‍යන්තර තලයේ පෞද්ගලික සහ පොදු මූල්‍ය සමාගම් ඇතුළු සංවිධාන රැසක වගකීම් රැසක් දැරූ ආයෝජන බැංකුකරුවෙකි.
අර්ජුන් මහේන්ද්‍රන් මහතාගේ ධූරකාලය 2016 ජුනි මස 30 දිනෙන් අවසන්වීමට නියමිතය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
