රට පුරා සිටින වයස අවුරුදු 5ට අඩු දරුවන් පිළිබඳ කරනු ලබන මෙම සංගණනය සාර්ථක කර ගැනී‍මේ අරමුණින් හෙට (22) සිට 23, 24 හා 27 දිනවල දිවයි‍නේ සියලුම මුල් ළමා විය සංවර්ධන නිලධාරීන් පුහුණු කිරීමේ වැඩසටහනක්ද කොළඹදී පැවැත්වීමට කටයුතු යොදා ඇත.
මධ්‍යම පරිසර අධිකාරිය හා තලා‍හේන ප්‍රජා මධ්‍යස්ථාන‍යේදී මෙම පුහුණු වැඩමුළුව පැවැත්වීමට කටයුතු යොදා ඇත.
මුල් ළමා විය සංවර්ධනය කර ර‍ටේ දරුවන්‍‍ගේ අනාගතය වඩාත් සුරක්ෂිත කිරීමේ අරමුණින් නව තාක්ෂණයද උප‍යෝගී කර ගනිමින් ක්‍රියාත්මක කරන මෙම වැඩසටහන මගින් ළමා ශ්‍රමිකයන් රටින් තුරන් කිරීමට ද අ‍පේක්ෂා කෙරේ.
මෙමගින් පෙර පාසල්වල අඩු පාඩු මෙන්ම පෙර පාසල් ගුරුවරුන්‍‍ගේ ගුණාත්මකභාවය ඉහළ නැංවීමට කටයුතු කිරීමට බලා‍පො‍රොත්තු වෙයි.
මෙම සංගණනය ආශ්‍රයෙන් දෙමව්පියන්‍‍ගේ ආර්ථික දුෂ්කරතා ආදිය ද අධීක්ෂණයට ලක් කර ඔවුන්‍‍ගේ ජීවන තත්ත්වයන්ද නැංවීමට කටයුතු කිරීමට අ‍පේක්ෂා කෙරේ.
කාන්තා හා ළමා කටයුතු ඇමතිනී චන්ද්‍රනි බන්ඩාර මහත්මිය‍ගේ උප‍දෙස් පරිදි ලෝක බැංකු ව්‍යාපෘති අධ්‍යක්ෂ වෛද්‍ය රවී නානායක්කාර මහතා මෙම වැඩසටහන ක්‍රියාවට නැංවීමට කටයුතු කරයි.
