ඒ මහතා ප්‍රකාශ කළේ රට හමුවේ පැවැති අභියෝග රැසක් ජනාධිපතිවරයාගේ සහ අග‍්‍රාමාත්‍යවරයාගේ කැපවීමෙන් සාර්ථක ලෙස ජය ගැනීමට හැකිවූ බවයි.
වර්තමානයේ පනවා ඇති ඇතැම් බදු ද ඉදිරියේ දී ඉවත් කිරීමට හැකිවනු ඇති බව ද පෙන්වා දුන් අමාත්‍යවරයා
නීති පද්ධතිය නීතියේ ආදිපත්‍යයට බලපෑම් නොකරමින් අධිකරණ පද්ධතියට ස්වාධීනව ක්රියාත්මක විය හැකි වාතාවරණයක් රට තුළ නිර්මාණය කර ඇති බවත් යුක්තිය හා සාධාරණය යළි රජයන සමාජයක් නිර්මාණය කිරීම වෙනුවෙන් වත්මත් රජය කැප වී කි‍්‍රයා කරන බවත් අමාත්‍යවරයා පෙන්වා දුන්නේය.
අමාත්‍යවරයා මේ අදහස් පළ කළේ ඊයේ සිරිකොත පක්ෂ මුලස්ථානයේ පැවැති මාධ්‍ය හමුවට එක්වෙමිනි.
ඕනෑම පුද්ගලයෙකු වංචාවක් සිදු කර ඇත්නම් ඒ සඳහා නීතිය සාධාරණ ලෙස ක්රියාත්මක විය යුතු බවත්, එහිදී පක්ෂයක් ලෙස වංචනිකයින් ආරක්ෂා කිරීම සිදු නොකරන බවත් මහබැංකු අධිපතිවරයා සම්බන්ධයෙන් මාධ්‍යවේදියකු නැගූ පැනයකට පිළිතුරු දෙමින් ඒ මහතා ප්‍රකාශ කළේ ය.
