මෙවර සමුළුවට ඉන්දියාව, බංගලාදේශය, ඇෆ්ගනිස්ථානය, චීනය, වියට්නාමය, පිලිපීනය, තායිලන්තය, ඉන්දුනීසියාව, පාකිස්ථානය, නේපාලය හා ශ‍්‍රී ලංකාව යන රටවල් සහභාගි වේ.
මෙම රටවල් 11 එක්ව 2003 වර්ෂයේදී ඇති කර ගත් එකමුතුව කොළඹ කි‍්‍රයාදාමය ලෙස හඳුන්වයි. මීට පෙර 2013 හා 2014 යන වර්ෂයන්හීදී මෙම සමුළුව ශ‍්‍රී ලංකවේදී පැවැත්විණි.
මෙවර සමුළුවේ සභාපතීත්වය විදේශ රැකියා අමාත්‍ය තලතා අතුකෝරළ මහත්මිය විසිනි.මෙවර සමුළුව සඳහා ඒ ඒ රටවල අදාළ අමාත්‍යංශවල ජ්‍යෙෂ්ඨ නිළධාරීන් සහභාගිවීමට නියමිතයි.
මෙම සමුළුවේ නිරීක්‍ෂණ කටයුතු සඳහා විගමණික ශ‍්‍රමිකයින්ගේ සේවාව ලබාගන්නා රටවල නියෝජිතයින් සහභාගිවීමට නියමිතය. ඒ අනුව, සෞදි අරාබිය, එක්සත් අරාබි එමීර්, දකුණු කොරියාව, කටාර්, මැලේසියාව, කුවේටය, ඉතාලිය හා බහරේන් රාජ්‍යයේ නියෝජිතයින් සහභාගි වේ.
මෙවර සමුළුවේදී, විදෙස් ගත ශ‍්‍රමිකයින් රැකියා සඳහා යොමුකිරීමේදී අනුගමනය කළයුතු විශේෂ සැලැස්මක් පිළිබඳව අවධානය යොමුකරන බව අමාත්‍ය තලතා අතුකෝරළ මහත්මිය සඳහන් කරයි.
