ශ්‍රී ලංකා මහ බැංකුව මගින් ඊට අදාළ නිල දැනුම් දීම රජයේ සහ පෞද්ගලික අංශයේ වාණිජ බැංකු වෙත අද (29) නිකුත් කිරීමට නියමිත ය.
100%ක් කල්බදු පහසුකම් ලබා දීම 2015 සැප්තැම්බර් මස 15 දා සිට අත්හිටුවනු ලැබීය.
එදින නිකුත් කළ චක්‍ර ලේඛයට අනුව වාහනයක් මිල දී ගැනීම සඳහා එතෙක් තිබූ 100% කල්බදු පහසුකම් ලබා ගැනීමේ හැකියාව 70% දක්වා පහළ දමනු ලැබිණි.
එහෙත් එමගින් මෙරට වෙළෙඳපොළට ඇති විය හැකි අහිතකර බලපෑම සැලකිල්ලට ගනිමින් එම සීමාව 90% දක්වා යළි ඉහළ නැංවීමට මුදල් අමාත්යන රවී කරුණානායක මැතිතුමා පසුගිය දා තීරණය කළේ ය.
ඒ අනුව මීට අදාළ නිල දැනුම්දීම ශ්‍රී ලංකා මහ බැංකුව මගින්, සියලු වාණිජ බැංකු වෙත අද (29) නිකුත් කෙරෙනු ඇති බව මුදල් අමාත්‍යාංශය වැඩිදුරටත් සඳහන් කරයි.
