ශ‍්‍රී ලංකා ගුවන් හමුදාධිපති එයාර් මාර්ෂල් ගගන් බුලත්සිංහල මහතා කොළඹ නාලාන්දා විද්‍යාලය විසින් පිරිනමනු ලබන ඉහලම සම්මානය වන "නාලන්දා කීර්ති ශ‍්‍රී සම්මානයෙන්" ඊයේ (28) පිදුම් ලැබුවේය. මෙම සම්මාන උළෙල බණ්ඩාරනායක සම්මන්ත‍්‍රණ ශාලාවේදී පැවැත්විණි.
මෙම සම්මානය නාලන්දා විද්‍යාලයේ වසරකට වරක් දීප්තිමත්ම ආදි ශිෂ්‍යයාට පිරිනමනු ලබන අතර සම්මාන උළෙල නාලන්දා විද්‍යාලයේ ආදි බාලදක්ෂ සම්මේලනය හා එක්ව විද්‍යාලයේ විදුහල්පතිතුමන්, ගුරුමණ්ඩලය හා සිසු දරුවන් විසින් සංවිධානය කරන ලදී.
අධ්‍යාපන අමාත්‍ය අකිල විරාජි කාරියවසම් මහතා අතින් ගුවන් හමුදාධිපතිතුමන් මෙම සම්මානය ලබා ගන්නා ලද අතර නාලන්දාවේ ආදි සිසුන් සහ වර්ථමාන සිසුන් විශාල පිරිසක් මෙම අවස්ථාවට සහභාගී වූහ.
AF/SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
