පාසල් සහ උපකාරක පන්ති පැවැත්වෙන ස්ථාන අවට ළමුන් හට නොයෙක් ආකාරයේ මත්වන ඖෂධ වර්ග විකිණීමේ සිද්ධීන් වරින් වර දිවයිනේ විවිධ ප්‍රදේශවලින් වාර්තා වේ. ඒ අනුව වරින් වර එවැනි ස්ථාන සම්බන්ධයෙන් ලැබෙන තොරතුරුවලට අනුව වැටලීම් ද සිදු කර ඇති බව පොලිස් මූලස්ථානය නිවේදනයක් නිකුත් කරමින් සඳහන් කරයි.
අවසන්වරට මෙවැනි ස්ථානයක් වැටලීම් වාර්තාවන්නේ පසුගිය 21දාය. ඒ පානදුර වලාන මධ්‍යම දූෂණ මර්ධන ප්‍රහාරක ඒකකයට මාධ්‍ය ආයතනයක් මගින් ලබාදුන් තොරතුරු අනුවය.
ඒ අනුව මොරටුව පොලිස් වසමේ රාවතාවත්ත ප්‍ර දේශයේ ප්‍රසිද්ධ පාසලක් අසල තිබූ ඖෂධ හලක් වැටලීම සිදු කොට ඇත. එහිදී හෙරෝයින් පානයට ඇබ්බැහිවූ පුද්ගලයන් මත්කුඩු වෙනුවට විකල්ප ලෙස භාවිත කරන එමෙන් ම පාසල් සිසුන් මත්කරවීම සඳහා විකුණනු ලබන ඖෂධ කරල් 8000ක ප්‍රමාණයක් වෛද්‍ය නිර්දේශවලින් තොරව විකිණීම හා විකිණීමට ලඟ තබාගැනීම සම්බන්ධයෙන් ඖෂධහල් හිමිකරු අත්අඩංගුවට ගෙන ඇත.
DB
