දක්ෂිණ අධිවේගී මාර්ගයේ කොක්මාදූව අන්තර් හුවමාරු මධ්‍යස්ථානයට නුදුරු ප‍්‍රදේශය අවට කඳු අශ‍්‍රිත ප‍්‍රදේශයේ පස් කදු සෝදා යාමේ අවධානම හේතුවෙන් පසුගිය දා එම අධිවේගී මාර්ගයේ කොටසක් තාවකාලිකව වසා දැමුණි.
මහාමාර්ග අමාත්‍ය ලක්ෂ්මන් කිරිඇල්ල මහතා එහි තත්ත්වය සොයා බැලීමේ විශේෂ නිරීක්ෂණ චාරිකාවක පසුගිය දා නිරත විය.
එහි දී අවධානමට ලක් ව ඇති ප‍්‍රදේශය විෂයභාර අමාත්‍යවරයාගේ නිරීක්ෂණයට ලක් වූ අතර ජනතාවගේ ආරක්ෂාව සහතික කර දෛනික ගමනාගමන කටයුතු බාධාවකින් තොරව සිදු කිරීමට අවශ්‍ය සියලු පියවර කඩිනමින් ගන්නා ලෙස මාර්ග සංවර්ධන අධිකාරියේ සහ අධිවේගී මාර්ග ව්‍යාපෘතිය භාර නිලධාරීන්ට උපදෙස් දෙන ලදි.
