සුහද සංචාරයක් සඳහා ශ්‍රී ලංකාවට පැමිණි බංග්ලාදේශ නාවික හමුදාවේ “අබු බකර්” නෞකාවේ අණදෙන නිලධාරී කපිතාන් මුහම්මද් මහ්මුදුල් මලික් මහතා සහ මධ්‍ය නිලධාරීන් දෙදෙනෙකු ඊයේ (21) නාවික හමුදා මූලස්ථානයේදී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.
එහිදී දෙරටේ නාවික හමුදාවන් අතර අන්‍යෝන්‍ය මිත්‍රත්වය ඉහළ නැංවීම හා පුහුණු කටයුතු පිළිබඳ අවධානය යොමු කරමින් කපිතාන් මලික් මහතා සහ නාවික හමුදාධිපතිතුමන් සුහද කථාබහක නිරත විය. එම අවස්ථාව සනිටුහන් කරමින් ඔවුන් අතර සමරු තිළිණ හුවමාරුවක් ද සිදු කෙරිණි. මෙම අවස්ථාවට ශ්‍රී ලංකාවේ බංග්ලාදේශ මහකොමසාරිස් කාර්යාලයේ ආරක්ෂක උපදේශක කොමදෝරු පර්වේස් අස්ලම් මහතාද එක්විය.
සිව් දින නිල සංචාරයක් සඳහා කොළඹ වරායට පැමිණි “අබු බකර්” නෞකාව හෙට දිනයේ (23) ශ්‍රී ලංකාවෙන් පිටත්ව යාමට නියමිතය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
