ප්‍රජා වෛද්‍ය විශේෂඥ ධම්මිකා රොවෙල් මහත්මිය මේ බව පවසා සිටියේ පසුගිය දා සෞඛ්‍ය අධ්‍යාපන කාර්යාංශයේ පැවැති මාධ්‍ය සම්මන්ත්‍රණයකට සහභාගී වෙමිනි.

මව් කිරි දීම පිළිබඳව ජාතික ප්‍රතිපත්තියක් පවතිනවා.මාස 06ක් අනිවාර්යෙන් ම මව්කිරි ලබාදීම අපේ ප්‍රතිපත්තියයි.

මව්කිරි දීම පළමු පැයේම ආරම්භ කිරීම ඉතාම වැදගත්.වසර 2013 පෝෂණ වාර්තා අනුව පළමු පැය ඇතුළත මව්කිරි ලබාදීම සියයට 90%-92% අතර ප්‍රමාණයක්.එය පළමු මාස 2ක තුළ සියයට 98%ක්.පළමු මාස 4තුළ එය සියයට 75%ක් තරම් පහළ අගයක් ගන්නවා.පළමු මාස 6ක් තුළ සියයට 71.3%ක්. එය සියයට 29%ක් අහිමි වීමක්.

රැකියාවට යන මව්වරුන්ගේ සංඛ්‍යාව ගත් විට මාස 6ක් තුළ මව්කිරි දීම සියයට 56.5%ක අඩුවීමක් තිබෙනවා. රැකියා සඳහා නොයන මව්වරුන්ගේ කිරිදීමේ ප්‍රතිශතය මාස 6ක් තුළ සියයට 76%ක් .ඒ නිසා රැකියා සඳහා යන මව්වරුන්ගේ කිරිදෙන අවස්ථාව අහිමි වී තිබෙනවා.

දරුවෙක් මව්කිරි බීම ස්වාභාවිකවම ආරම්භ කිරීම වැදගත් ඒ හේතුවෙන් එම දරුවා වැඩිකල් මව්කිරි බොනවා.මව්කිරි දීමේ දී ගැටලු තිබෙනවා නම් මව්කිරි කළමනාකරණ මධ්‍යස්ථාන තුළ පහසුකම් ආරම්භ කර තිබෙනවා යැයි ද වෛද්‍ය ධම්මිකා රොවෙල් මහත්මිය පැවසුවාය.