මෙවර 5 ශ්‍රේණිය ශිෂ්‍යත්ව විභාගයේ ප්‍රතිඵලවලට අනුව සමත්වීමේ වැඩිම ප්‍රතිශතයක් දකුණු පළාතෙන් වාර්තා වන අතර එය සියයට 81.56ක් වන බව ශ්‍රී ලංකා විභාග දෙපාර්තමේන්තුව සඳහන් කරයි.
එහි දෙවැනි තැන වයඹ පළාතත් තෙවැනි තැන සබරගමුව පළාතටත් හිමි වේ.
එසේම මෙවර ශිෂ්‍යත්ව විභාගයට පෙනී සිටි සිසුන්ගෙන් 254,690 සංඛ්‍යාවක් ලකුණු 70ට වැඩියෙන් ලබාගෙන ඇත.
මෙවර ශිෂ්‍යත්ව විභාගය සඳහා සිසුන් 333,672කු පෙනී සිට ඇති අතර ඉන් 254,690 දෙනෙකු ලකුණු 70කට වැඩියෙන් ලබාගෙන ඇති බව විභාග දෙපාර්තමේන්තුව සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
