දිවයිනට ගිනිකොණ දෙසින් වූ ගැඹුරු මුහුදේ ධීවර කටයුතුවල නිරතවන අතරතුර පැපොල රෝගය උත්සන්න වීම හේතුවෙන් ශ්‍රී ලාංකික බහුදින ධීවර යාත්‍රාවක් තුලදී මියගිය ධීවරයෙකුගේ මළ සිරුර ගොඩබිමට ගෙන ඒම සඳහා නාවික හමුදාවේ ගැඹුරු මුහුදු නිරීක්ෂක නෞකාවක් වන සාගර නෞකාව ඊයේ (28) සහය ලබා දෙන ලදී.
ධිවර හා ජලජ සම්පත් දෙපාර්තමේන්තුව මගින් කරන ලද දැනුම්දීමකට අනුව කඩිනමින් ක්‍රියාත්මක වූ නාවික හමුදාව මුහුදු සංචාරයේ යෙදී සිටි සාගර නෞකාව ඒ සදහා පිටත් කර හැරීමට කටයුතු කරන ලදී.
රෝගී ස්වභාවය උත්සන්න වීම හේතුවෙන් අවාසනාවන්ත ලෙස එම ධීවරයා බහුදින යාත්‍රාව තුලදී මියගොස් තිබිණි. කෙසේ වුවද මුහුදේ පැවැති රළු ස්වභාවය යටතේ තංගල්ල ධීවර වරාය දක්වා පැමිණීමේදී එම යාත්‍රාවට ආරක්ෂාව සැපයීමට සාගර නෞකාව කටයුතු කරන ලදී.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
