දිස්ත්‍රික් ලේකම්වරයා මෙම අදහස් දැක්වුයේ පසුගියදා මාතලේ සංචාරක ප්‍රවර්ධන සංකිර්ණයේ පැවති මාතලේ දිස්ත්‍රික් සාහිත්‍ය කලා මහෝත්සවයට සහභාගි වූ අවස්ථාවේදීය.
දිස්ත්‍රික් ලෙකම්වරයා වැඩි දුරටත් අදහස් දක්වමින් කියා සිටියේ පැරණි සාම්ප්‍රදායන් ඒ ආකාරයෙන් ඉදිරියට ගෙනයාමත්,
අනාගත හා වර්තමාන පරපුරට ඉගැන්වීමත්, අතීත උරුමයන් බෙදා හදා ගැනිමත් මෙම සාහිත්‍ය උත්සව පැවැත්විමේ
අරමූණ බවයි.
ඉදිරියේදී සාහිත්‍ය හා කලාව වෙනුවෙන් විවිධ වැඩසටහන් සංවිධානය කර ඇති බවත් එහි පළමු වැන්න ලෙස මාතලේ
දිස්ත්‍රික්කයේ ගත් කතෘවරයන් විසින් රචනා කරන ලද සියලු කෘතිවල එකතුවක් මාතලේ ලේඛකයින්ගේ ප්‍රකාශන ලෙස
මාතලේ පුස්තකාලයේ ප්‍රදර්ශනය කිරීමට බලාපොරොත්තු වන බවත් පැවසීය.
ඒ තුළින් කලාකරුවා සහ ඔවුගේ නිර්මාණ අගය කිරිමට බලාපොරොත්තු වන බවත් දෙවනුව සංස්කෘතික මධ්‍යස්ථානවල
දැනට තිබෙන පාඨමාලා ප්‍රමාණය සිසුන් ප්‍රමාණය සහ පහසුකම් ප්‍රමාණය වැඩි කිරිමට කටයුතු කරන බවත් ඒ තුළින්
අනාගතයේ රටට බිහිවන කලාකරුවන් වැඩි කිරිම තම අරමුණ බවත් පැවසීය.
තෙවනුව දිස්ත්‍රික්කය තුළ විවිධ කේෂ්ත්‍ර නියෝජනය කරන කලාකරුවන් පිළිබඳ දත්ත ගබඩාවක් පවත්වාගෙන යාමට
කටයුතු කරන බවත් ඊට අමතරව දිස්ත්‍රික්කයේ අනන්‍යතාවය පිළිබිඹු වන ආකාරයේ නර්තන කණ්ඩායමක් සහ හේවිසි
කණ්ඩායමක් පුහුණු කිරිමටත් එම කණ්ඩායම දෙස් විදෙස්හි නර්තනවලට යොමු කිරිමටත් තමා බලාපොරොත්තු වන බවත්
දිස්ත්‍රික් ලේකම්වරයා වැඩි දුරටත් පැවසීය.
නූතන සමාජ විචල්‍යතා හමුවේ ශ්‍රී ලාකේය සාහිත්‍ය යන මැයෙන් ප්‍රධාන දෙසුම අග්නි දිග විශ්ව විද්‍යාලයේ ජ්‍යෙෂ්ඨ
කතිකාචාර්ය අමරසිරි වික්‍රමරත්න මහතා විසින් පැවැත්වූ අතර නිශාදනී කලායාතනයේ සිසුදරුවන් විසින් ජනමිහිර සංගිත
ප්‍රසංගයක්ද පවත්වන ලදි.
මෙම අවස්ථාව මාතලේ දිස්ත්‍රික්කය නියෝජනය කරමින් රජයේ නිලධාරින් කලාකරුවන් ,සාහිත්‍යෙව්දීන්, පාසල් දරුවන් සහභාගි විය.
AP/DMU-Matale
