අමාත්‍යවරයා මේ බව පැවසුවේ ඊයේ (14) පාර්ලිමේන්තුවේදී විසර්ජන පනත් කෙටුම්පත තෙවැනි වර කියැවීමේ කාරක සභා අවස්ථාවේ දහවෙනි දින විවාදයට එක්වෙමිනි.

අද පෙරවරු 10.00 සිට 12.30 දක්වා විදේශ කටයුතු අමාත්‍යංශයේ 112 වැය ශීර්ෂය විවාදයට ගැනිණි.

අද අපේ රට පුරා නිදහස තිබෙනවා. උතුරේ ජනතාව දකුණටත්,දකුණේ ජනතාව උතුරටත් නිදහසේ යනවා. ඒ නිදහස් සාමකාමී වාතාවරණය ඇති කළේ මහින්ද රාජපක්ෂ මහතායි. අපගේ විදේශ ප්‍රතිපත්තිය නිවැරදිව ක්‍රියාත්මක කරනවා. වසර 30ක යුද්ධය නිසා සිංහල, දෙමළ, මුස්ලිම් හැමෝගේම මානව හිමිකම් කඩ වුණා. 2009 මැයි 19 සිට මානව හිමිකම් කඩ වෙන්නේ නැහැ. ළමා සොල්දාදුවෝ බඳවා ගන්නේ නැහැ. මානව හිමිකම් කොමිසමේ සාමාජික රටවල් 24ක් අපට විරුද්ධ වුණා. නමුත් තව රටවල් 24ක් අපිත් සමඟ ඉන්නවා. අපිට විරුද්ධ වූ ඉතුරු රටවල් ටික දිනා ගැනීමත් අපගේ විදේශ ප්‍රතිපත්තියේ එක් අරමුණක් බව අමාත්‍යවරයා පෙන්වා දුන්නේය.

NDH/HC