නව පාලම් ගොඩනැගීමේ වැඩ ආරම්භ කිරීම උදේ 10.40ට සුබ මොහොතින් රට පුරා ස්ථාන 1,000ක දී ආරම්භ වූයේ මැති ඇමතිවරුන්, පාර්ලිමේන්තු මන්ත්‍රිවරුන් ඇතුළු ජනතා නියෝජිතයන්ගේ සහභාගිත්වයෙනි.
ශ්‍රී ලංකාවේ ජනගහනයෙන් සියයට 75ක් පමණ ජනතාවක් ග්‍රාමීය ප්‍රදේශවල ජීවත් වන අතර මෙම ග්‍රාමීය පාලම් 1,210ක් ඉදිකිරීමේ වැඩසටහනින් ඉන් ලක්ෂ 60කට ආසන්න ජනතාවකට සෙත සැලසේ. මෙම පාලම් 1,000 ලබන වසරේ මුල් භාගයේ දී වැඩ නිමකර ජනතා අයිතියට පැවරීමට කටයුතු යොදා ඇත.
මහින්ද චින්තන ඉදිරි දැක්ම යටතේ ගම් දොරට දිවයිනේ රන් දොරටු විවර කරමින් ඉසුරුමත් හෙට දිනක් වෙනුවෙන් ගමත් නගරයත් යා කරන දිවයින පුරා ක්‍රියාත්මක වන මෙම ග්‍රාමීය පාලම් ගොඩනැගීමේ වැඩසටහන ආර්ථික සංවර්ධන අමාත්‍ය බැසිල් රාජපක්ෂ මහතාගේ මෙහෙයවීමෙන් ආර්ථික සංවර්ධන අමාත්‍යාංශය මගින් ක්‍රියාත්මක කරනු ලබයි.
DB
