මධ්‍යම පළාතේ දුෂ්කර අධ්‍යාපන කලාපයන්හි සේවය සඳහා උපාධිධාරී ගුරුවරුන් 1033 දෙනෙකු බඳවා ගැනීමට මධ්‍යම පළාත් අධ්‍යාපන අමාත්‍යාංශය පියවර ගෙන ඇති අතර ගුරු සේවයට බඳවා ගත් මේ ගුරුවරුන් ලබන 17 සිට කි‍්‍රයාත්මක වන පරිදි ගුරු සේවය සඳහා යෙදවීමට නියමිතය.
උඩුදුම්බර, මිනිපේ, විල්ගමුව, ලග්ගල, පල්ලේගම, නුවරඑළිය හා අඹගමුව යන ප‍්‍රදේශවල පාසල් සඳහා මෙම ගුරුවරුන් යොදවනු ඇත. එම ගුරුවරුන්ගෙන් 745 දෙනෙකු සිංහල මාධ්‍ය හා 288 දෙනෙකු දෙමළ මාධ්‍ය ගුරුවරුන් වේ. ගුරුවරු 237 දෙනකු ප‍්‍රාථමික අංශයටද, 181ක් විද්‍යාව, 46ක් ගණිතය, 46ක් තොරතුරු තාක්ෂණය, 194ක් සෞන්දර්ය යන විෂයන් සඳහා යෙදවේ.
මෙයට අමතරව තවත් 41 දෙනෙකු ඉංගී‍්‍රසි ගුරුවරුන් ලෙස බඳවා ගෙන ඇත.
NDH/priu
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
