නොරොච්චෝලේ ගල්අඟුරු බලාගාරයේ 3 වන අදියර ආරම්භ වීමත් සමඟ පහළ ගිය විදුලි උත්පාදන පිරිවැයේ වාසිය මහජනතාව වෙත ලබාදීම උදෙසා පෙට්රල්, ඩීසල් හා භූමිතෙල්වල මිල මේ වසරේ සැප්තැම්බර් මැදදී පහළ දැමීම නිසා 2014 වසර අවසානයේ ආන්තික ලාභයක් ලැබෙනු ඇති බව මේ වන විට අපේක්ෂා කරනු ඇත.
ලංකා ඛනිජතෙල් නීතිගත සංස්ථාව පෙට්රල් 92 හා 95, සුපිරි ඩීසල් හා ගුවන් යානා ඉන්ධන සඳහා තවදුරටත් පිරිවැය පිළිබිඹු වන මිල ක්‍රමයක් පවත්වා ගෙන යයි. 2014 අය-වැය යෝජනා අනුව වසරේ මුල සිට වරාය හා ගුවන්තොටුපොළ සංවර්ධන ගාස්තු ඉවත් කිරීමත් සමඟ ගුවන් යානා ඉන්ධන මිල ද පිරිවැයට සරිලන මිලක් බවට පත් විය. ලංකාවේ මිල ගණන් කලාපීය මිල ගණන් සමඟ තරගකාරී වීම සඳහා ගුවන් යානා හා ඉන්ධන අපනයනය සඳහා වන බදු නීති සංශෝධනය කිරීමටත් යෝජිත බව මුදල් හා ක්‍රමසම්පාදන අමාත්‍යාංශය වැඩිදුරටත් පවසයි.
NDH
