පසුගිය 04 වැනි දා පැවති මෙම සාකච්ඡාවට ගාල්ල දිස්ත්‍රික්කයේ රජයේ සංවර්ධන ක්‍රියාවලිය මෙහෙයවන ප්‍රාදේශීය ලේකම්වරුන්, සහකාර ප්‍රාදේශීය ලේකම්වරුන් මෙන් ම සැලසුම් සහකාර අධ්‍යක්ෂවරු ද සහභාගී වූහ. බාධාවකින් තොර ව මෙන් ම එකාකාරව ජනතා යහපත සැලසෙන අයුරින් අය-වැය යෝජනාවලිය ක්‍රියාවට නැංවීම සම්බන්ධයෙන් එහිදී විශේෂයෙන් සාකච්ඡා කරන ලදී.
ආර්ථික සංවර්ධන අමාත්‍යාංශය, ඉඩම් අමාත්‍යාංශය, විශේෂ ව්‍යාපෘති අමාත්‍යාංශය සහ පරිසර හා පුනර්ජනනීය බලශක්ති අමාත්‍යාංශ ආදී අමාත්‍යාංශ ලේකම්වරු මෙහිදී විවිධ පැතිකඩයන් පිළිබඳ ව විවරණය කරන ලද අතර, ප්‍රාදේශීය ලේකම්වරු ඇතුළු නිලධාරීන් මෙම කටයුතු ක්‍රියාත්මක කිරීම සම්බන්ධයෙන් වන විවිධ ගැටලු හා ඒ සම්බන්ධ ඵලදායී යෝජනා ද ඉදිරිපත් කර තිබේ.
දැයට කිරුළ වැඩසටහන යටතේ ඉඩම් ගැටලු විසඳීම, ආගමික කටයුතු සම්බන්ධ විශේෂ වැඩසටහන සාර්ථක කර ගැනීම සම්බන්ධයෙන් මෙන්ම එහිදී පැන නැගී ඇති ගැටලු විසඳා ගැනීම සම්බන්ධයෙන් අදාළ අමාත්‍යාංශ ලේකම්වරු සමඟ විශේෂ සාකච්ඡාවක් සිදු කෙරිණි.
මේ සඳහා ගාල්ල දිස්ත්‍රික් ලේකම් කාර්යාලයේ අදාළ ප්‍රධාන මාණ්ඩලික නිලධාරීන් පිරිසක් මෙන් ම කළුතර දිස්ත්‍රික් ලේකම් ද විදුලි සංදේශ හා තොරතුරු තාක්ෂණ අමාත්‍යාංශ ලේකම් ද සහභාගී වූහ.
HC
